大大鑊，凱施餅店，呢個牌子已經喺香港經營多年，擁有45間分店的連鎖麵包店，早前被多間傳媒報道拖糧冇出糧嘅消息，當然都冇供強積金，到而家都未有回應，好多人都認為佢就嚟執笠，對依間老牌嘅餅舖前景感到憂慮。
凱施餅店嘅員工直言擔心老闆隨時「走佬結業」。節目出街翌日酒店及餐飲業員協會公布，關注凱施餅店的欠薪情況，並得悉公司管理層於今早向員工發內部通告，通知有關欠薪情況。
拖糧事件引起網民熱烈討論：有人講應該好快執笠，凱施餅店喺80年代已經伴隨不少香港人成長，有人喺網上講凱施餅店近年不停加價，而且麵包市場競爭好大，亦有人講傳統款式麵包越來越少人食，而且年輕人比較鐘意歐陸式麵包，指凱施餅店追不上潮流。